...eða virkni með?
Ég mæli með því að þið skoðið þennan link:
Atferlismynstur og einkenni meðvirknis
En þarna eru tekin saman atferlismynstur og einkenni meðvirknis.
Það er eflaust mörgum mjög hollt að lesa yfir þessa punkta.
Áður en ég birti framhaldið af sögunni minni langar mig aðeins að minnast á meðvirkni og fylgikvilla þess.
Meðvirkni er ekkert leyndó eða tabú. Það eru margir meðvirkir og það er svo sem allt í lagi.
Svo lengi sem það bitni ekki á lífi þeirra.
Það er mikilvægt að opna umræðuna um meðvirkni. Sérstaklega hjá ungum einstaklingum sem eru að stíga sín fyrstu skref út í lífið.
Með þessum pósti ætla ég að gera það.
Atriði eins og:
- Hvað er eðlilegt og hvað ekki í samskiptum?
- Hvernig eiga eðlileg samskipti að fara fram?
Geta vel vafist fyrir fólki. Enda er það ekkert sjálfsagt að þú vitir þetta bara. Þetta er auðvitað eitthvað sem lærist með tímanum og því eldri sem við verðum.
Það er svo mikilvægt er að þér líði vel í ÖLLUM samskiptum, alltaf.
- Ef þér líður óþægilega með eitthvað, ekki birgja það inni, talaðu um það.
- Segðu það sem þér finnst og fylgdu innsæinu þínu.
- Fylgdu hjartanu og taktu þín eigin skref, ekki þau sem einhver annar vill að þú takir.
Ég tók saman nokkur atriði sem hjúkrunarfræðingurinn Pia Mellody heldur fram um meðvirkni. Hún skrifaði einnig bókina „Meðvirkni“, sem er góð lesning.
Pia Mellody vill meina að við séum svo stutt á veg komin um vitneskju meðvirknis, að flestir meðferðaraðilar hafi hvorki getu né kunnáttu til þess að tala um eða fást við einkennin.
Pia Mellody kýs að nota enska hugtakið „disease“ til að lýsa meðvirkni. Hún segir meðvirkni ekki veikindi í líkingu við flensu, heldur frekar eins sjúkdóm eins og sykursýki. Það sé í raun engin fljótvirk lækning heldur þarf hinn meðvirki stöðugt að viðhalda bata sínum eins og sykursjúklingar. Meðvirkni er heldur ekki viðurkenndur sjúkdómur og þess vegna oft ranglega greint, en meðvirkir einstaklingar eru oftast greindir með kvíða eða þunglyndi.
Eftirfarandi atriði eru kjarnaeinkenni meðvirkni eins og Pia Mellody setur þau fram:
- Erfiðleikar við að upplifa gott og heilbrigt sjálfsmat. Einstaklingurinn á með öðrum orðum erfitt með að elska sjálfan sig.
- Erfiðleikar við að setja heilbrigð og virk mörk, það er einstaklingurinn á erfitt með að vernda sjálfan sig.
- Erfiðleikar við að eiga og tjá eigin veruleika, það er að segja einstaklingurinn á erfitt með að þekkja sjálfan sig, hugsanir sínar og tilfinningar og deila þeim með öðrum.
- Erfiðleikar við að gangast við og sinna eigin þörfum og löngunum, það er einstaklingurinn á erfitt með eigin umönnun.
- Erfiðleikar við að upplifa og tjá eigin veruleika af hófsemi, það er einstaklingurinn á erfitt með að koma fram með viðeigandi hætti miðað við aldur og aðstæður.
Til viðbótar þessum kjarnaeinkennunum eru fimm auka einkenni (e. secondary symptoms) sem endurspegla hvernig veikt samband hins meðvirka við eigið sjálf skapar vandamál í samskiptum við aðra.
- Neikvæð stjórnun. Meðvirklar gefa sér leyfi til þess að ákvarða raunveruleika annarra fyrir eigin þægindi. Þeir reyna annars vegar að stjórna öðrum með því að segja þeim hvernig þeir ættu að vera og hins vegar með því að þóknast þeim.
- Gremja. Meðvirklar nota gremju sem fánýta leið til að reyna að vernda sjálfa sig og öðlast sjálfsvirðingu.
- Skert andleg geta, brengluð eða engin andleg viðleitni. Meðvirklar gera annað fólk að sínum æðri mætti í gegnum hatur, ótta eða dýrkun eða þeir gera tilraun til að eignast æðri mátt annarra.
- Flótti frá raunveruleikanum, fíknir eða andlegir og líkamlegir sjúkdómar. Manneskja, sem á ekki í góðu sambandi við sjálfa sig, getur búið við svo mikinn sársauka hið innra að hún leitar lausna í fíknihegðun til þess að deyfa sársauka sinn með skjótvirkum hætti.
- Skert geta til að viðhalda nánd við annað fólk er eitt aðaleinkenni hins meðvirka. Nánd felur í sér að tveir eða fleiri deila veruleika sínum án þess að reyna að breyta honum eða dæma. Meðvirklar, sem eiga erfitt með að greina hverjir þeir eru, geta ekki deilt veruleika sínum á viðeigandi hátt og þar með ekki verið nánir öðrum.
Það eiga allir sinn tilverurétt, rétt á sínum skoðunum, rétt á því að hafa skoðun yfirhöfuð, rétt á því að velja, rétt á því að taka þau skref sem þau langar að taka.
Ef þú ert fullorðin (18 ára eða eldri), skoðaðu þetta hjá þér.
Hvernig er þínum samskiptum háttað?